lAo to katalnAmA merA
faiz ahmed faiz
sunne ko bhID hai sar-e-mahshar lagI huI
tohmat tumhare ishq kI ham par lagI huI
rindo.n ke dam se Atish-e-mai ke bagair bhI
hai maikade me.n Ag barAbar lagI huI
AbAd karke sheher-e-khAmoshA.N har ek su
kis khoj me.n hai teg-e-sitamgar lagI hui
lao to katalnAmA merA me.n bhI dekh lU.N
kis kis kI muhar hai sar-e-mahzar lagI hui
Original from: Faiz Ahmed Faiz, "Saare Sukhan Hamaare" (devanAgarI), pg. Rajkamal Prakashan, New Delhi, second edition, 1991.